Senat saılaýyna 53 kandıdat tirkeldi - OSK
ASTANA. QazAqparat - Aǵymdaǵy jyldyń 1 qazanynda ótetin Parlament Senatynyń depýtattaryn saılaýǵa qatysty kandıdattardy tirkeý keshe 11 qyrkúıekte aıaqtaldy. Ortalyq saılaý komıssııasynyń derekterine sáıkes, Senat depýtatynyń 16 mandatyna usynylǵan 88 úmitkerdiń 53-i tirkeldi. Bul týraly Ortalyq saılaý komıssııasynyń múshesi Lázzat Súleımen málim etti.
Onyń aıtýynsha, Senat depýtattyǵyna elimizdiń bes óńirinen 4 kandıdattan tirkelse, qalǵan 11 óńirde 3 úmitkerden tirkeldi.
«Usynylǵan kandıdattardyń 18-i saılaý dodasynan shyǵyp qaldy. Sonymen qatar, zańnamada belgilengen merzim ishinde qajetti qujattardy usynbaýyna baılanysty 17 úmitkerdi tirkeýden bas tartyldy. Tirkelgen kandıdattyń ekeýi - áıel adam. Al úmitkerlerdiń ortasha jasy - 53», - deıdi L. Súleımen.
