Senat saılaýyn baıqaýǵa shet memleketter men halyqaralyq uıymdardan 276 ókil tirkeldi
ASTANA. QazAqparat - 1 qazanda ótetin QR Parlamenti Senaty depýttarynyń saılaýyna shet memleketter men halyqaralyq uıymdardyń baıqaýshylaryn tirkeý 25 qyrkúıekte aıaqtaldy.
Osyǵan oraı, Ortalyq saılaý komıssııasy QR Syrtqy ister mınıstrliginiń usynýy boıynsha shet memleketter men halyqaralyq uıymdardyń 166 baıqaýshysyn jáne sheteldik aqparat quraldarynyń 110 ókilin tirkedi.
«Sheteldik jáne halyqaralyq uıym ókilderin akkredıtteý keshe 25 qazanda aıaqtaldy. Onyń qorytyndysy boıynsha 116 baıqaýshy tirkelip otyr», - dedi brıfıng barysynda OSK múshesi Tatıana Ohlopkova.
Onyń aıtýynsha, Senat saılaýyn baıqaýǵa Qazaqstannyń saıası partııalarynyń ókilderi, qoǵamdyq birlestikter, kommertsııalyq emes uıymdar, kandıdattardyń senim bildirilgen tulǵalary jáne BAQ ókilderi de qatysa alady.
