Senat saılaýyn 288 halyqaralyq baıqaýshy qadaǵalaıtyn bolady
ASTANA. QazAqparat - 2017 jylǵy 22 maýsymda halyqaralyq uıymdar men shet memleketterdiń baıqaýshylaryn akkredıtteýdiń aıaqtalǵany jáne shyǵyp qalǵan máslıhat depýtatynyń ornyna saılaý kúnin kelisý máseleleri boıynsha QR Ortalyq saılaý komıssııasynyń otyrysy boldy, dep habarlaıdy QR OSK baspasóz qyzmeti.
2017 jylǵy 22 maýsymda Ortalyq saılaý komıssııasy «2017 jylǵy 28 maýsymǵa taǵaıyndalǵan Qazaqstan Respýblıkasy Parlamenti Senatynyń depýtattaryn saılaýǵa halyqaralyq uıymdar men shet memleketterdiń baıqaýshylaryn akkredıtteý týraly» qaýly qabyldady, oǵan sáıkes Qazaqstan Respýblıkasy Syrtqy ister mınıstrliginiń usynýy boıynsha saılaýdy baıqaý jónindegi 2 Mıssııadan, 2 halyqaralyq uıym men 8 shet memleketten taǵy 118 baıqaýshy akkredıtteldi.
Olardyń ishinde 66 - TMD-dan baıqaýshylar Mıssııasynan, onyń quramynda 13 baıqaýshy - TMD Parlamentaralyq Assambleıasynan, 3 baıqaýshy - Belarýs jáne Reseı Odaǵy Parlamenttik jınalysynan; 12 - Shanhaı yntymaqtastyq uıymynan, 10 - Túrkitildes elderdiń yntymaqtastyǵy keńesinen, 5 - Túrkitildes elderdiń Parlamenttik Assambleıasynan, sondaı-aq 25 baıqaýshy - 11 shet memleketten.
Jalpy alǵanda, Ortsaılaýkom 172 baıqaýshyny akkredıttedi, olardyń ishinde 106-i - TMD Mıssııasynyń jáne 12-i - ShYU Mıssııasynyń, 10-y - Túrkitildes memleketter yntymaqtastyǵy keńesiniń, 5-ýi - Túrkitildes elderdiń Parlamenttik Assambleıasynyń ókilderi jáne 16 shet memleketten 39 baıqaýshy.
Halyqaralyq baıqaýshylar ishinde 15 shet memlekettiń Ortalyq saılaý organdarynyń basshylyǵy, Reseı Federatsııasy Memlekettik Dýmasynyń, Federaldyq Jınalysy Federatsııa Keńesiniń, TMD elderi, túrkitildes memleketterdiń parlamentteriniń depýtattary, Qazaqstandaǵy dıplomatııalyq mıssııalardyń elshileri jáne basqa da joǵary laýazymdy resmı tulǵalary qatysty.
Sonymen qatar Qazaqstan Respýblıkasy Syrtqy ister mınıstrliginde 15 memleketten sheteldiq buqaralyq aqparat quraldarynyń 116 ókili akkredıtteldi.
Osylaısha, aldaǵy saılaýdy baıqaýdy shet memleketterdiń, halyqaralyq uıymdar men sheteldik BAQ ókilderiniń 288 baıqaýshysy júzege asyratyn bolady. Sheteldik BAQ ókilderi arasynda saılaýǵa Frans-Press, Bı-bı-sı, Tomas Reıter jáne t.b. sııaqty belgili álemdik aqparattyq agenttikter ókilderi akkredıtteldi.
Ekinshi másele boıynsha Ortalyq saılaý komıssııasyna Shyǵys Qazaqstan oblysy aýmaqtyq saılaý komıssııasynyń Óskemen q. máslıhatynyń shyǵyp qalǵan depýtatynyń ornyna saılaýdy kelisý týraly ótinishi qaraldy.
«Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýtsııalyq zańynyń 101-baby 4-tarmaǵyna sáıkes shyǵyp qalǵan máslıhaty depýtatynyń ornyna saılaý 2017 jylǵy 30 shildege taǵaıyndalǵan.
Shyǵys Qazaqstan oblystyq saılaý komıssııasyna saılaýǵa daıyndyq jáne ony ótkizý jónindegi tıisti uıymdastyrýshylyq-ádistemelik jumysty júrgizý usynyldy.
