Senat saılaýy: Túrkistanda 278 depýtat daýys berýde
Parlament Senatynyń saılaýy Túrkistan qalasyndaǵy kongress hol ǵımaratynda ótip jatyr. Jalpy saılaýǵa qatysqan 278 máslıhat depýtattary óz tańdaýlaryn jasaýda. Al, 39 depýtat belgili sebepterge baılanysty qatysa almady.
Saılaý bıýletenine eki kandıdattyń esimi engizildi. Olardyń biri Jetisaı aýdanynyń ákimi bolsa, ekinshisi Ordabasy aýdany ákimdiginiń apparat basshysy qyzmetin atqarǵan.
«Bastapqyda 6 úmitker óz kandıdatýrasyn usynǵan bolatyn. Keıin úsh úmitker qujattaryn keri qaıtaryp aldy. Al, taǵy bir kandıtattyń múlik salyǵy jónindegi deklaratsııasyn tekserý kezinde shıkilik shyqqany úshin tirkeýden alynyp qaldy», - dedi oblystyq Aýmaqtyq saılaý komıssııasy tóraǵasynyń orynbasary Ámirdın Álishev.
Aıta keteıik, Túrkistan oblysynda 17 aýdan, qalalyq, bir oblystyq máslıhat bar. Olarda 317 depýtat tirkelgen.
