Senat saılaýy: Túrkistan oblysynda eń kóp tańdaýshy daýys berdi

TÚRKІSTAN. QazAqparat – Qazaqstan Respýblıkasy Parlamenti Senatynyń saılaýynda respýblıka boıynsha eń kóp tańdaýshy Túrkistan oblysynda tirkeldi, dep habarlaıdy QazAqparat tilshisi.

Parlament Senatynyń depýtattaryn janama saılaý quqyǵy negizinde jasyryn daýys berý arqyly tańdaýshylar – máslıhattardyń depýtattary saılaıdy. Respýblıka boıynsha tańdaýshylar tizimine 3 167 máslıhat depýtaty engizilgen.

Al, búgin ótken saılaýda elimiz boıynsha eń kóp tańdaýshy Túrkistan oblysynda tirkeldi. Atap aıtar bolsaq, saılaýǵa 278 máslıhat depýtaty qatysyp, óz tańdaýyn jasady. Al, 39 depýtat belgili sebepterge baılanysty qatysa almady.

Jalpy, Túrkistan oblysynda 17 aýdan, qalalyq jáne bir oblystyq máslıhat bar. Olarda 317 depýtat tirkelgen.

Aıta keteıik, QR Parlamenti Senaty depýtattarynyń saılaýynda Túrkistan oblysynda úmitker Murat Qadyrbek 200 daýys jınady.