Senat saılaýy: Elorda máslıhatynyń depýtattary daýys berýge kiristi

ASTANA. QazAqparat – Astana qalasy máslıhatynyń depýtattary Parlament Senatynyń depýtattaryn saılaýda daýys berýge kiristi, dep habarlaıdy QazAqparat tilshisi.

Buryn habarlaǵanymyzdaı, respýblıka boıynsha Senat depýtattaryn tańdaýshylar tizimine 3 168 daýys berýshi engizilgen. Eń kóp daýys berýshi Túrkistan (317 daýys berýshi) jáne Qostanaı (263 daýys berýshi) oblystarynda. Al eń azy Astanada – 31, Shymkentte – 30 jáne Almatyda – 38.

Saılaýǵa Astana qalasynan 3 úmitker qatysýda. Elordada barlyǵy 31 máslıhat depýtaty tańdaýshy retinde tirkelgen. Degenmen, qazirgi ýaqytta olardyń 29-y daýys berýge depýtat qatysyp jatyr.

«Saılaýda kandıdat retinde Astana qalasynan úsh kandıdat tirkeldi. Olardyń esimderi bıýlletenderge engizilgen. Janama saılaýǵa tańdaýshylar qatysady. Tańdaýshylar – Astana qalasy máslıhatynyń depýtattary», - dedi Astana qalasy boıynsha aýmaqtyq saılaý komıssııasynyń tóraǵasy Baqyt Bektemisova.