Senat saılaýy: Atyraýda Saǵyndyq Luqpanov kóp daýys aldy

ATYRAÝ. QazAqparat –Atyraýda Senat depýtatynyń saılaýynda Saǵyndyq Luqpanov daýys berýshilerdiń 86 daýysyn (82,69%) jınady, dep habarlaıdy QazAqparat.

Atyraý oblystyq aýmaqtyq saılaý komıssııasynyń hatshysy Aınur Amanjolovanyń málimetinshe, Senat depýtatyn saılaýda ár deńgeıdegi máslıhattardyń 111 depýtaty daýys berýi tıis edi. Búgingi saılaýda daýys berýge máslıhattardyń 105 depýtaty qatysty.

«Senat depýtattyǵyna tirkelgen kandıdattardyń arasynan Saǵyndyq Luqpanovty jaqtap 86 adam daýys bergen. Bul barlyq daýystyń 82,69 protsentin qurady. Al, ózge kandıdattar Serik Smaǵulov 11 (10,5%), Saǵyn Seıilhanov 7 (6,73%) daýys jınady» -dep habarlady komıssııa hatshysy Aınur Amanjolova.