Senat saılaýy: Almatylyq depýtattar Sultanbek Mákejanovqa daýys berdi

ALMATY. QazAqparat - Almatyda Senat depýtattarynyń saılaýy ótti, dep habarlaıdy QazAqparat tilshisi.

Saılaý 30 depýtattyń qatysýymen ótti. Olardyń barlyǵy Medeý aýdanynyń ákimi Sultanbek Mákejanovqa daýys berdi.

Aıta keteıik, Almaty qalasynan úsh úmitker boldy. Olar: Andreı Zaharov, Tımýr Nurtaev jáne Sultanbek Mákejanov.

Almaty qalalyq saılaý komıssııasynyń tóraǵasy Janna Asanovanyń aıtýynsha, búginde qalada 32 depýtat bar.

Daýys berý nátıjeleri hattama negizinde Ortalyq saılaý komıssııasyna jiberiledi.

Sonymen birge, máslıhat depýtattary aýdan ákiminiń kásibı sheberligi men basshylyq qyzmetterdegi tájirıbesin joǵary baǵalady.