Senat saılaýy: Abaı oblysynda kóp daýys jınaǵan úmitker anyqtaldy
SEMEI. QazAqparat – QR Parlamenti Senatynyń depýtattaryn saılaýda Abaı oblysy boıynsha daýys berýdiń aldyn ala qorytyndysy jarııalandy, dep habarlaıdy QazAqparat tilshisi.
Ortalyq saılaý komıssııasynyń aqparatyna qaraǵanda, Abaı oblysynan tańdaýshy retinde tirkelgen 123 maslıhat depýtatynyń 108-i daýys berý boıynsha birlesken otyrysta tańdaý jasady. Daýys berýdiń aldyn nátıjesine sáıkes, Semeı qurylys kolledjiniń dırektory Qaırat Tastekeev 82,4% daýys jınady. Onyń kandıdatýrasyn 89 tańdaýshy qoldaǵan.
OSK aqaparty boıynsha saǵat 10:45-tegi jaǵdaıǵa sáıkes, elimizdiń barlyq óńirlerindegi tańdaýshylar otyrystarynda kvorýmǵa qol jetkizildi.
Aıta keteıik, Parlament Senatyndaǵy 20 orynǵa 55 kandıdat úmitker bolyp otyr. Respýblıka boıynsha tańdaýshylar tizimine 3167 máslıhat depýtaty engizilgen.
