Senat S. Jákishevti QR Joǵarǵy sotynyń sýdıasy qyzmetine saılady
ASTANA. 10 aqpan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary Memleket basshysymen usynylǵan Saılaýbek Ábildauly Jákishevti Qazaqstan Respýblıkasy Joǵarǵy sotynyń sýdıasy qyzmetine saılaý týraly qaýly qabyldady.
Elbasy usynǵan kandıdat týraly QR Joǵarǵy soty keńesiniń tóraǵasy Ońalsyn Jumabekov baıandap berdi. S. Jákishev 1950 jyly týǵan. Joǵary zań bilimi bar, Qazaq memlekettik ýnıversıtetin bitirgen. Ol sot organdaryndaǵy eńbek tájirıbesin Almaty qalasy, Lenın aýdany halyq sotynyń sot oryndaýshysy bolyp bastaǵan. QR Prezıdentiniń 2006 jylǵy 11 sáýirdegi Jarlyǵymen S. Jákishev Astana qalasy sotynyń tóraǵasy qyzmetine taǵaıyndaldy. Onyń sýdıalyq jumys ótili 26 jyldan asady.
