Senat Reseı munaıyn QR arqyly QHR-ǵa tasymaldaý salasyndaǵy Kelisim boıynsha zań jobasyn qarady
ASTANA. QazAqparat - Búgin QR Parlamenti Senatynda «Reseı munaıyn QR terrıtorııasy arqyly Qytaı Halyq Respýblıkasyna tasymaldaý salasyndaǵy áriptestik týraly Qazaqstan Úkimeti men Reseı Federatsııasy Úkimeti arasyndaǵy Kelisimdi ratıfıkatsııalaý týraly» Zań jobasy talqylandy.
QR Munaı jáne gaz vıtse-mınıstri Bolat Aqsholaqovtyń aıtýynsha, Kelisimniń negizi maqsaty Qazaqstan jeri arqyly Reseı munaıyn Qytaıǵa tasymaldaýǵa jaǵdaı jasaý bolyp tabylady. Kelisim jylyna 7 mln. tonna Reseı munaıyn tasymaldaýdy qarastyrady. Bolashaqta bul kórsetkishti 10 mln. tonnaǵa deıin jetkizý kózdelip otyr.
Sonymen qatar, atalǵan qujat Omby-Prıırtyshsk-Atasý-Alashańqaı baǵytyndaǵy magıstraldy qubyrlar júıesin qoldanýǵa quqyq beredi.
Aıta keteıik, QR Parlamenti Májilisi zań jobasyn 11 maýsymda maquldaǵan bolatyn.
