Senat Prezıdenttiń Q. Kelimbetovti Ulttyq banktiń tóraǵasyna taǵaıyndaý týraly usynysymen kelisti
ASTANA. 10 qazan. QazAqparat - Búgin Parlament Senatynyń jalpy otyrysynda palata depýtattary Qazaqstan Respýblıkasy Prezıdentiniń Qazaqstan Respýblıkasy Ulttyq Bankiniń tóraǵasyn taǵaıyndaý týraly usynysyna kelisim berdi.
Eske salsaq, buǵan deıin Elbasy Jarlyǵymen Qaırat Nematuly Kelimbetov QR Ulttyq bankiniń tóraǵasy bolyp taǵaıyndalǵan bolatyn. «QR Konstıtýtsııasyna sáıkes, Ulttyq bank tóraǵalyǵyna kandıdatty taǵaıyndaýǵa kelisim berý Senattyń erekshe quzyryna jatady. Sonymen qatar, mundaı kelisim Respýblıka Prezıdentiniń aldyn ala nemese sońynan usynýy barysynda beriledi», dedi Senat Tóraǵasy Qaırat Mámı.
Osyǵan oraı, senatorlar aldynda QR Prezıdenti Ákimshiliginiń basshysy Kárim Másimov Elbasynyń usynysyn jarııa etken bolatyn.
Memleket basshysynyń usynysyn palata depýtattary biraýyzdan qoldap daýys berdi.
