Senat Prezıdent N. Nazarbaevtyń kandıdatýrasyn «Halyq qaharmany» ataǵyna usyný týraly zań jobasyn talqylaıtyn bolady
TANA. 30 qarasha. QazAqparat /Qanat Mámetqazyuly/ - Búgin QR Parlamenti Senaty Áleýmettik-mádenı damý komıtetiniń keńeıtilgen otyrysy bolyp ótti.
Onda senatorlar «Qazaqstan Respýblıkasynyń Tuńǵysh Prezıdenti - Elbasy týraly» Qazaqstan Respýblıkasynyń Konstıtýtsııalyq zańyna tolyqtyrý engizý týraly» Qazaqstan Respýblıkasy Konstıtýtsııalyq zańynyń jobasyn jáne «Qazaqstan Respýblıkasynyń memlekettik nagradalary týraly» Qazaqstan Respýblıkasynyń Zańyna tolyqtyrý engizý týraly» Qazaqstan Respýblıkasy Zańynyń jobasyn talqylady.
Esterińizge sala keteıik, QR Premer-Mınıstri Kárim Másimov QR Prezıdenti Nursultan Nazarbaevtyń kandıdatýrasyn joǵary memlekettik marapat - «Halyq qaharmany» ataǵyna usynǵan bolatyn. Bul usynys Qazaqstannyń Táýelsiz el retinde qalyptasýy men damýyndaǵy Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń tarıhı rólimen negizdelgen. Qazirgi ýaqytta Qazaqstan halyqaralyq arenada joǵary bedelge ıe. QR Tuńǵysh Prezıdenti - Elbasynyń basshylyǵymen elimizde 20 jyldan beri áleýmettik, ekonomıkalyq, saıası jáne quqyqtyq júıelerdi jańǵyrtý tabysty túrde iske asyrylýda. Osy negizder boıynsha bastama jasalǵan zań jobasy qabyldanǵan jaǵdaıda eldiń Tuńǵysh Prezıdentine «Altyn juldyz» ben «Otan» ordeni qosa tapsyrylatyn «Halyq qaharmany» ataǵy beriletin bolady.
«Zańnyń 10 baby ózgerister engizilgen soń bylaı jazylatyn bolady: «Qazaqstan Respýblıkasynyń Tuńǵysh Prezıdenti - Elbasy óziniń mártebesine saı «Halyq qaharmany» ataǵyn ıelenedi, «Altyn juldyz» ben «Otan» ordeni qosa tapsyrylatyn bolady. Dál osyndaı ózgeris «QR Tuńǵysh Prezıdenti-Elbasy týraly» zańǵa da engiziledi», - deıdi zań jobasyn tanystyrǵan Ádilet vıtse-mınıstri Dýlat Qusdáýletov. Komıtet músheleri zań jobasyn biraýyzdan maquldap, qujatty palatanyń jalpy otyrysyna shyǵarý týraly sheshim qabyldady.
