Senat Ózbekstanmen erkin saýda aımaǵy týraly hattamany ratıfıkatsııalady
ASTANA. QazAqparat - QR Parlamenti Senaty «2011 jylǵy 18 qazandaǵy Erkin saýda aımaǵy týraly shartty onyń Taraptary men Ózbekstan Respýblıkasy arasynda qoldaný týraly hattamany ratıfıkatsııalaý týraly» QR Zańyn qabyldady. Atalǵan zań jobasyn búgin Senattyń jalpy otyrysynda QR Ekonomıka jáne bıýdjettik josparlaý mınıstri Erbolat Dosaev tanystyrdy.
«2011 jyldyń 18 qazanynda TMD aıasynda preferentsııalyq saýdanyń kópjaqty júıesin qurýdy kózdeıtin erkin saýda aımaǵy týraly jańa shart jasaldy. Osy shartqa qatysýshylar Armenııa, Belarýs, Qazaqstan, Qyrǵyzstan, Moldova, Reseı, Tájikstan men Ýkraına boldy. 2012 jylǵy aqpanda Ózbekstan shartta kózdelgen birqatar mindettemelerdi 2021 jylǵa deıin oryndaý boıynsha oǵan ótpeli kezeńder usynylǵan jaǵdaıda shartqa qosylý nıeti týraly TMD-nyń Atqarýshy komıtetine habardar etti», - dedi ol.
Mınıstrdiń sózine qaraǵanda, QR Ózbekstanǵa tıisti taýarlardy áketý kezinde olarǵa qatysty eksporttyq bajdardy qoldanýdy kózdeıtin taýarlar tizbesin bekitken.
