Senat ózara saqtandyrý máselesine arnalǵan jobany Májiliske qaıtardy
ASTANA. Qazannyń 22-ci. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine mindetti jáne ózara saqtandyrý, salyq salý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylady.
Qujatqa birqatar ózgerister engizilgendikten zań jobasy Májiliske qaıtaryldy, dep habarlaıdy QazAqparat.
Bul zań jobasynyń maqsaty saqtandyrýdyń mindetti túrlerin qarastyratyn zańnamalyq aktilerdiń jekelegen erejelerin naqtylaý men retteýge baǵyttalady. Budan basqa, qujatpen ózara saqtandyrý qoǵamdaryn damytýdy odan ári yntalandyrý, saqtandyrý qyzmetterin tutynýshylardyń múliktik jáne áleýmettik múddeleriniń quqyqtyq qorǵalýyn qamtamasyz etý, sondaı-aq salyq ákimshiligin júrgizýdi jetildirý sharalary kózdeledi.
Atap aıtqanda, qyzmetkerlerdiń ómiri men densaýlyǵyna keltirgen zııan úshin jumys berýshiniń azamattyq-quqyqtyq jaýapkershiligin mindetti saqtandyrý jónindegi fýnktsııany ómirdi saqtandyrý jónindegi saqtandyrý uıymdaryna berý kózdeledi.
Senatorlar Májilis maquldaǵan zań jobasyn birqatar normamen tolyqtyrdy. Máselen, senatorlar saqtandyrý sharty merziminen buryn buzylǵan jaǵdaıda, tóleýge jatatyn saqtandyrý syıaqysynyń ádiletti eseptelýin belgileý maqsatynda birqatar túzetýler usynyp otyr. Budan basqa ózgerister redaktsııalyq jáne naqtylaý sıpatynda.
