Senat otyrysynyń kún tártibi bekitildi

ASTANA. QazAqparat - Senat Bıýrosynyń músheleri 29 qyrkúıekte ótetin palata otyrysynyń kún tártibin bekitti, dep habarlaıdy QazAqparat.

Bıýro otyrysynda Senat tóraǵasy Máýlen Áshimbaev elimizdiń demokratııalyq baǵytta damýyna jol ashatyn konstıtýtsııalyq ózgeristerdiń mańyzyna toqtaldy. Sondaı-aq Memleket basshysy Joldaýda aıtqan aldaǵy Prezıdent saılaýy týraly aıtty.

Bıýro otyrysynyń qorytyndysyna sáıkes aldaǵy Senat otyrysynda depýtattar «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Eýrazııalyq ekonomıkalyq komıssııanyń kadr quramyn qalyptastyrý tetigin naqtylaý bóligine ózgerister engizý týraly hattamany ratıfıkatsııalaý týraly» zań jobasyn qaraıdy.

Qujat komıssııa departamentteriniń dırektorlarymen jáne olardyń orynbasarlarymen komıssııa alqasynyń jumys merziminen aspaıtyn ýaqytqa eńbek shartyn jasasýdy kózdeıdi. Sondaı-aq komıssııa qyzmetkerleri úshin olardy uzartý múmkindigimen eńbek kelisimsharttarynyń 5 jyldyq merzimi, jumys istep júrgen qyzmetkerler úshin ótpeli erejeler belgilenedi.

Otyrysta Májilisten kelip túsken zań jobalary Senattyń turaqty komıtetterine bólinip berildi.