Senat otyrysynda Qazaqstan men Ózbekstan azamattarynyń ózara saparlaryna qatysty hattama qaralady
ASTANA. QazAqparat - Búgin Parlament Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy bolyp ótti. Onda «2000 jylǵy 7 shildedegi Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy talqylandy.
Toqtala ketetin jaıt, eki eldiń azamattarynyń ózara saparlary týraly kelisim 2000 jyldan bastap áreket etedi jáne eki el azamattarynyń vızasyz kirýin jáne bolýyn kózdeıdi. Bul rette qujattardyń qosymshalarynda azamattardyń eki el aýmaǵynda kirýi, shyǵýy jáne bolýy úshin qujattar tizbesi bekitilgen.
Sonymen qatar, Ózbekstan tarapy osy tizimdi jańa qujattarmen tolyqtyrýdy usynǵan bolatyn. Osyny qamtyǵan hattamaǵa 2012 jyldyń 7 qyrkúıekte Tashkentte Qazaqstan men Ózbekstan syrtqy ister mınıstrleri qol qoıǵan. Atap aıtqanda, qujattar tizbesine dıplomatııalyq pasport, Ózbekstan azamatynyń bıometrııalyq pasporty, Ózbekstan Respýblıkasynyń 16 jasqa tolmaǵan azamattarynyń kýáligi, qaıtyp oralýǵa arnalǵan kýálik qosylady.
Zań jobasy palatanyń jalpy otyrysyna shyǵarylady.
