Senat otyrysyna Qazaqstan men Ózbekstannyń strategııalyq áriptestik týraly sharty shyǵarylady
ASTANA. QazAqparat - Búgin Parlament Senaty halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy ótti. Onda «Qazaqstan Respýblıkasy men Ózbekstan Respýblıkasy arasyndaǵy strategııalyq áriptestik týraly shartty ratıfıkatsııalaý týraly» zań jobasy talqylandy.
Shart talaptaryna sáıkes, Qazaqstan men Ózbekstan ózderiniń qarym-qatynastaryn teńdik, ózara senim, strategııalyq áriptestik negizinde qalyptastyratyn bolady. Qujat boıynsha, taraptardyń ekeýiniń de qaýipsizdik múddelerine nemese olardyń biriniń qaýipsizdigi múddelerine teris áser tıgizýge yqpal etetin ahýal týyndaǵan jaǵdaıda ony retteý úshin ustanymdardy kelisý men sharalardy úılestirý maqsatynda konsýltatsııalar júzege asady. Sonymen birge, Qazaqstan men Ózbekstan ózara áskerı jáne áskerı-tehnıkalyq salalarda, azamattyq qorǵanys salasynda yntymaqtasady, sondaı-aq ǵylym men tehnıka, densaýlyq saqtaý, bilim berý jáne mádenıet, týrızm men sport salasyndaǵy yntymaqtastyqty kótermeleıdi.
Jalpy, alǵanda qujat aımaqtaǵy beıbitshilik pen qaýipsizdikti nyǵaıtý maqsatynda ózekti halyqaralyq máseleler boıynsha ekijaqty saıası dıalogty damytýdy qarastyrady.
Komıtet músheleri zań jobasyn Senattyń jalpy otyrysyna shyǵarý týraly kelisti.
