Senat norma shyǵarmashylyq qyzmetti jetildirýge baǵyttalǵan jobany Májiliske qaıtardy
ANA. 12 qarasha. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata «Qazaqstan Respýblıkasynyń keıbir zańnamalyq aktilerine norma shyǵarmashylyq qyzmetti jetildirý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylap, birqatar túzetýlerimen Májiliske qaıtardy.
Atalǵan zań jobasynyń negizgi maqsaty - barlyq normatıvtik quqyqtyq aktiler úshin biryńǵaı zań tehnıkasynyń talaptaryn zańnamalyq deńgeıde retteý. Bul rette qujatta «zań tehnıkasy» jáne «normatıvtik quqyqtyq aktilerdiń quqyqtyq monıtorıngi» degen uǵymdardy reglamentteý usynylady. Budan bólek, zań jobasy memlekettik organdar ázirlegen zań jobalarynyń mátinderin olardyń ózderiniń ınternet resýrstarynda jarııalaýdy mindetteıdi.
Aqparat júıeleriniń qazirgideı shapshań damyp otyrǵan tusynda bul shara ózekti bolyp tabylady jáne quqyq nasıhattaý mindetin atqarady. Zań jobasyna ony iske asyrýǵa qajetti barlyq zańǵa táýeldi normatıvtik-quqyqtyq aktilerdi usyný erejeleri engiziledi. Bul shara zań jobasynyń júzege asyrylǵannan keıingi onyń tıimdiligin kórýge múmkindik beredi. Sonymen qatar ol zańnamaǵa qaıshy keletin, eskirgen jáne jemqorlyq áreketterine jol beretin quqyqtyq normalardy anyqtaýǵa jaǵdaı týdyrady. Sonymen qatar barlyq normatıvtik-quqyqtyq aktiler úshin biryńǵaı zań tehnıkasyn bekitý usynylady. Jobany talqylaý barysynda senatorlar Májilis maquldaǵan qujatqa birqatar ózgertýler engizdi. Atap aıtsaq, joǵarǵy palata depýtattary zań tehnıkasy máseleleri boıynsha jiberilgen olqylyqtardyń ornyn toltyrdy.
