Senat Naýryzbaı Baıqadamovtyń depýtattyq ókilettigin toqtatty
ASTANA. KAZINFORM – Búgin Senattyń jalpy otyrysynda Naýryzbaı Seıitqalıuly Baıqadamovtyń depýtattyq ókilettigi toqtatyldy.
Atap aıtqanda N. Baıqadamovtyń basqa jumysqa aýysýyna baılanysty ókilettigin merziminen buryn toqtatý jóninde usynym engizdi. Óz kezeginde palata otyrysynda depýtattyń ókilettigin toqtatý jónindegi qaýly qabyldady.
- Áriptesimiz Naýryzbaı Baıqadamov Qorqyt Ata atyndaǵy Qyzylorda memlekettik ýnıversıtetiniń rektory bolyp taǵaıyndaldy. Naýryzbaı Seıtqalıuly aldaǵy jaýapty jumystaryńyzǵa tabys pen sáttilik tileımiz. Osyǵan baılanysty Ortalyq saılaý komıssııasy Senatqa tıisti usynym engizdi. Konstıtýtsııalyq normalarǵa sáıkes, bul másele boıynsha Senat tıisti qaýly qabyldaýy kerek, - dedi Senat tóraǵasy Máýlen Áshimbaev.
N. Seıtqalıuly 1967 jyly 10 shildede Qyzylorda oblysy, J. Mahambetov aýylynda dúnıege kelgen. 1991 jyly N. Gogol atyndaǵy Qyzylorda pedagogıkalyq ınstıtýtyn «Tarıh jáne frantsýz tili» mamandyǵy boıynsha bilim aldym. Tarıh ǵylymdarynyń kandıdaty, dotsent.
Eńbek jolyn 1991 jyly Qyzylorda oblysy, Syrdarııa aýdanyndaǵy Amangeldi atyndaǵy №139 mektep muǵalimi bolyp bastaǵan. 1994-2003 jyldary Qorqyt Ata atyndaǵy Qyzylorda memlekettik ýnıversıtetiniń «Memleket jáne quqyq teorııasy men tarıhy» kafedrasynyń oqytýshy, aǵa oqytýshysy, meńgerýshisi. 2003-2006 jyldary Qorqyt Ata atyndaǵy Qyzylorda memlekettik ýnıversıteti janyndaǵy kolledj dırektory.
2007 jyly maýsym-qarasha aralyǵynda «Nur Otan» HDP Qyzylorda oblystyq fılıaly tóraǵasynyń orynbasary.
2008-2013 jyldary Qorqyt Ata atyndaǵy Qyzylorda memlekettik ýnıversıtetiniń tárbıe jumystary jónindegi prorektory.
2013-2015 jyldary Qyzylorda oblysynyń bilim basqarmasynyń basshysy.
2015-2016 jyldary «Nur Otan» partııasy Qyzylorda oblystyq fılıaly tóraǵasynyń birinshi orynbasary.
2016-2019 jyldary Qyzylorda oblystyq máslıhatynyń hatshysy.
2019-2021 jyldar aralyǵynda Qyzylorda oblysy ákiminiń orynbasary.
2021-2023 jyldary Qyzylorda oblystyq máslıhatynyń hatshysy.
2022-2023 jyldary «AMANAT» partııasynyń Qyzylorda oblystyq fılıalynyń tóraǵasy. 2023-2024 jyldary Qyzylorda oblystyq máslıhatynyń tóraǵasy. 2024 jylǵy sáýirden bastap Qyzylorda oblysynan saılanǵan Parlament Senatynyń depýtaty.
Eske salsaq, jaqynda Parlament Májilisinde Elnur Beısenbaevtyń depýtattyq ókilettigi toqtatyldy.
