Senat mindetti áleýmettik saqtandyrýǵa qatysty zańdy qabyldady
Qujatta eńbek etý qabiletinen aıyrylý, asyraýshysynan aıyrylý jáne jumysynan aıyrylý boıynsha áleýmettik tólemderdi taǵaıyndaý kezinde qoldanylatyn parametrler qaıta qaraldy. Bul tólemdi ortasha eseppen 30 paıyzǵa arttyrýǵa múmkindik beredi.
Zań jobasynyń negizgi erejeleri mynalardy kózdeıdi: medıtsınalyq-áleýmettik saraptama júrgizý arqyly jalpy eńbekke qabilettiligin joǵaltý dárejesin kýálandyrý jáne belgileý negizinde eńbekke qabilettiligin joǵaltý koeffıtsıentin aıqyndaýdyń jańa tetigin engizý; mindetti áleýmettik saqtandyrý júıesinde qatysý ótiliniń qol jetkizilgen koeffıtsıentin jyl saıyn arttyrý; asyraýshysynan aıyrylý jaǵdaıy boıynsha áleýmettik tólemderdi eseptegen kezde asyraýyndaǵylar sanynyń qoldanystaǵy koeffıtsıentin arttyrý; jumystan aıyrylý sebepterine qaramastan 6 aıǵa deıingi merzimge jumysynan aıyrylý boıynsha áleýmettik tólemderdi taǵaıyndaý arqyly jumystan aıyrylý jónindegi áleýmettik tólemderdi esepteý tetigin jetildirý.
«Jalpy alǵanda, zań jobasy azamattardyń resmı jumyspen qamtylýyna yntasyn arttyryp, jumys isteıtin halyqtyń mindetti áleýmettik saqtandyrý júıesimen qamtylýyna yntalandyrýǵa septigin tıgizedi dep senemiz. Zań jobasyn júzege asyrý respýblıkalyq bıýdjetten qosymsha qarjyny talap etpeıdi jáne keri áleýmettik-ekonomıkalyq nemese quqyqtyq saldarǵa ákep soqtyrmaıdy», - dedi QR Eńbek jáne halyqty áleýmettik qorǵaý mınıstri Birjan Nurymbetov.
Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine mindetti áleýmettik saqtandyrý, áleýmettik qamsyzdandyrý jáne densaýlyq saqtaý salasyndaǵy memlekettik-jekeshelik áriptestik máseleleri boıynsha ózgerister men tolyqtyrýlar engizý týraly» zań jobasy qaralyp, eki oqylymda qabyldandy.
Zań jobasynda 2020 jylǵy 1 qańtardan bastap kámeletke tolmaǵan 4 jáne odan da kóp balalary bar otbasylarǵa nemese 23 jasqa deıingi kúndizgi oqý nysanyndaǵy stýdentterge memlekettik járdemaqy tóleý usynylady. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 balaǵa – 74 388 teńge.
Kepildi áleýmettik paketti usyný aıasynda 1 jastan 6 jasqa deıingi tabysy az otbasylarynyń balalaryn azyq-túlik jıyntyǵymen jáne gıgıenalyq quraldarmen, 6 jastan 18 jasqa deıingi balalardy mektepterde ystyq tamaqpen, oqý quraldarymen jáne mektep formasymen qamtamasyz etý usynylady, sondaı-aq olarǵa mektepke deıingi jol júrý shyǵyndary óteledi.
«2020 jyldan bastap kórsetiletin qyzmetti alýshy men ónim berýshiniń tikeleı ózara is-qımyl jasaýy úshin tsıfrlyq alańdy qamtatasyz etetin (múmkindigi shekteýli adamdarǵa) áleýmettik kórsetiletin qyzmetter portalyn qosýdy kózdeıtin tolyqtyrýlar engiziledi. Bul rette múgedektigi bar adamdar ózderiniń jeke qajettiliktetine sáıkes keletin ózderine tıesili neǵurlym sapaly tehnıkalyq quraldar men ońaltý qyzmetterin derbes tańdaı alady», - dedi senator Nurtóre Júsip.
Sonymen qatar jumys berýshiniń mindetti zeınetaqy jarnasyn engizý merzimin 2020 jyldan 2023 jylǵa aýystyrýǵa baǵyttalǵan túzetýler de engizilip otyr.
