Senat memlekettik monopolııa máselesin qamtyǵan qujatty Májiliske qaıtardy
ASTANA. 7 maýsym. QazAqparat - Búgin QR Parlamenti Cenatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasyn eki oqylymda talqylady.
Senat tarapynan qujatqa birqatar ózgeris engizilgendikten, joba Májiliske qaıtaryldy.
Zań jobasy ekonomıkaǵa memlekettiń aralasýyn azaıtýdy qarastyrady. Bul rette ulttyq qaýipsizdikti, memlekettiń qorǵanys qabilettiligin, qoǵamdyq tártipti, halyq densaýlyǵyn qorǵaý maqsattarynda kásipkerlik qyzmetke memlekettiń qatysýy talap etiletin aıryqsha jaǵdaılarda ǵana memlekettik monopolııa engizý kózdeletin bolady.
«Qoldanystaǵy 10 zańnamalyq aktide memlekettik monopolııa týraly normalar qamtylǵan. Alaıda onyń iske asyrý tetigi ashyp kórsetilmegen. 14 zańnamalyq aktide qyzmet memlekettik monopolııaǵa tikeleı jatqyzylmaǵan, alaıda memlekettik kásiporynnyń osy qyzmetti júzegea syrýǵa aıryqsha quqyǵy naqty bekitilgen», - deıdi zań jobasy boıynsha baıandaǵan Ekonomıkalyq damý jáne saýda mınıstri Baqytjan Saǵyntaev.
Onyń aıtýynsha, zań jobasyna sáıkes, memlekettik monopolııada tek 18 qyzmet túri ǵana qalady. Budan bólek, eki qyzmet túri memlekettik fýnktsııaǵa jatqyzylady.
Zań jobasyna birqatar naqtylaý sıpatyndaǵy túzetýler engizildi. Osyǵan oraı, zań jobasy Májiliske qaıtaryldy.
