Senat medıatsııaǵa qatysty zańdy qabyldady
«Búgingi tańda medıatsııaǵa degen suranys neǵurlym artýda. Medıatsııanyń kómegimen eki taraptyń múddelerin qanaǵattandyra otyryp, daýdy sheshýge bolatyndyǵy azamattardy qyzyqtyrady. 2019 jylǵy 7 tamyzda Sıngapýrda Qazaqstan BUU-nyń medıatsııa nátıjesinde qol jetkizilgen halyqaralyq tatýlasý kelisimderi týraly konventsııasyna qol qoıdy. Konventsııanyń maqsaty – medıatsııa nátıjesinde qol jetkizilgen halyqaralyq kelisimderdi qatysýshy memleketterdiń aýmaǵynda taný jáne oryndaý. Osy ýaqytqa deıin medıatsııa nátıjesinde qol jetkizilgen halyqaralyq kelisimderdi taný jáne saqtalýyn qamtamasyz etý úshin biryńǵaı tetik bolǵan joq. Sáıkesinshe, daý taraptary úshin tatýlasý kelisimin basqa ıýrısdıktsııada taný jáne oryndaý úshin sotqa júginýge múmkindik týyndaıdy», - dedi QR Ádilet mınıstri Qanat Mýsın.
Qujatqa sáıkes tatýlasý kelisimin oryndaý ulttyq zańnamaǵa sáıkes júzege asyrylady. Medıatsııa nátıjesinde qol jetkizilgen kelisimderdi oryndaý tártibi «Medıatsııa týraly» QR Zańynyń jáne QR Azamattyq protsestik kodeksiniń erejelerinde kózdelgen.
Konventsııa qatysýshy memleketterdiń eki jáne odan da kóp kompanııalary arasyndaǵy halyqaralyq kommertsııalyq daýlaryna ǵana qoldanylady. Konventsııany ratıfıkatsııalaý sottan tys medıatsııany jetildirýde oń qadam bolyp otyr.
«Ol halyqaralyq saýdaǵa járdemdesýdiń mańyzdy quraly bolyp sanalady jáne kommertsııalyq taraptardyń halyqaralyq kelisimderin júzege asyrýǵa yqpal etedi. Qazaqstannyń Konventsııanyń qatysýshy retindegi mártebesi eldiń halyqaralyq bıznes-bedeline jáne ınvestıtsııalyq tartymdylyǵyna oń áser etedi», - dedi mınıstr.
Aıta keteıik, jaqynda «Qoǵamdyq kelisim» RMM dırektory Ǵalymjan Qusmanǵalı medıatsııa kabınetteriniń turmystyq daý-damaılardy sheshýge qandaı kómek kórsetkenin aıtyp bergen edi.
Qazirgi ýaqytta búkil oblys ortalyqtarynda 20 medıatsııa keńesi, bir respýblıkalyq jáne 19 óńirlik kabınet bar. Assambleıa tirkeýinde 2318 medıator bar, olar 2016 jyldan bastap 134 myń ótinishti qaraǵan, onyń 51%-y medıatıvtik ymyraǵa kelý jolymen sheshildi, qalǵan 49%-yna medıator konsýltatsııa bergen.
