Senat Qyrǵyzstanǵa $100 mln. kómek bólý týraly kelisimdi ratıfıkatsııalady
ASTANA. QazAqrat - QR Parlamenti Senatynyń plenarlyq otyrysynda palata depýtattary «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy eýrazııalyq ekonomıkalyq yqpaldastyq jaǵdaıynda ekonomıkalyq áriptestikti damytý kelisimin ratıfıkatsııalaý týraly» zań jobasyn maquldady, dep habarlaıdy QazAqparat.
«Osy sharttar 2016 jyly 26 jeltoqsanda Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy eýrazııalyq ekonomıkalyq ıntegratsııa jaǵdaıynda ekonomıkalyq yntymaqtastyqty damytý týraly kelisimmen bekitilgen. Ol boıynsha Qyrǵyzstanǵa $100 mln. kómek bólý qarastyrylǵan», - dedi QR Ulttyq ekkonomıka mınıstri Tımýr Súleımenov.
Kelisimniń 2 jáne 3-baptaryn iske asyrý úshin Kómek kórsetý tártibi men Tehnıkalyq járdem kórsetý is-sharalar tizbesi (shyǵyndar smetasy) ázirlendi. Tártipke sáıkes, kómek birneshe transhtarmen beriledi. Atalmysh kómek Qyrǵyzstannyń Eýrazııalyq ekonomıkalyq odaqqa qosylýy boıynsha «Jol kartasynyń» is-sharalaryn júzege asyrý úshin bólinip otyr.
Onyń sózinshe, «Jol kartasy» boıynsha Qyrǵyzstan men Eýrazııalyq ekonomıkalyq odaq arasynda ornalasqan shekara beketteri jańartylyp, Qyrǵyz Respýblıkasynyń sanıtarlyq, fıtosanıtarlyq jáne veterınarlyq júıelerin EAEO talaptaryna sáıkestendirý kózdelip otyr.
Qarjylaı kómek kezeń-kezeńmen bólinedi. Kelisimde kómek retinde bólingen qarajattyń tıisti jumsalýyn qadaǵalaýǵa baǵyttalǵan arnaıy xattama qabyldaý da qarastyrylǵan.
