Senat Qylmystyq Kodeks jobasyn qaraýǵa kiristi
ASTANA. QazAqparat - Búgin Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Májiliste maquldanǵan zań jobalaryn bólý týraly Senat Bıýrosynyń qaýlysyna qol qoıdy.
Atap aıtqanda, Palata komıtetteri men Apparatqa Qazaqstan Respýblıkasynyń Qylmystyq Kodeksiniń jobasy berildi. Bul qujat boıynsha Konstıtýtsııalyq zańnama, sot júıesi jáne quqyq qorǵaý organdary komıteti bas komıtet bolyp belgilendi. Bas komıtetke Senat komıtetteriniń usynystaryn jınaqtap qorytý jáne 2014 jylǵy 26 mamyrǵa deıin qorytyndy ázirleý tapsyryldy.
Konstıtýtsııalyq zańnama, sot júıesi jáne quqyq qorǵaý organdary komıteti sondaı-aq «Qazaqstan Respýblıkasynyń keıbir zańnamalyq aktilerine qylmystyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasyna da bas komıtet bolyp belgilendi. Qarjy jáne bıýdjet komıteti zańnamaǵa qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha túzetýler engizý týraly zań jobasyna bas komıtet bolyp belgilendi.
