Senat quramy 75 paıyzǵa jańarady - OSK
ASTANA. QazAqparat - Senat quramy 75 paıyzǵa jańarady. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulov málim etti.
Onyń atap ótýinshe, jańadan saılanatyn depýtat óz ókilettigin alý úshin úsh kezeńnen ótedi. Birinshi kezeńde oblystyq saılaý komıssııalary daýys berýdiń nátıjelerin belgileıdi. Al onyń hattamalary Ortalyq saılaý komıssııasyna jóneltiledi.
«Biz ekinshi kezeńde oblystyq komıssııalar hattamalarynyń sanyna qarap, kim saılanǵanyn qorytyndylaımyz. Úshinshi kezeńde tirkeýden ótý kerek. Tirkeýden ótkennen keıin depýtattar óz ókilettigine tolyq ıe bolady», - dedi Q.Turǵanqulov.
Sonymen qatar OSK tóraǵasy Senat depýtattarynyń quramy 75 paıyzǵa jańarǵanyn jáne buǵan deıin senator bolǵan 4 depýtattyń óz oryndaryn saqtap qalǵanyn atap ótti.
