Senat quqyq qorǵaý qyzmeti týraly zań jobasyn Májiliske jiberdi
ASTANA. 10 jeltoqsan. QazAqparat /Qanat Mámetqazyuly/ - Búgin QR Parlamenti Cenatynyń jalpy otyrysynda «Quqyq qorǵaý qyzmeti týraly» zań jobasyn talqylap,
qujatqa birqatar ózgerister engizilgendikten zań jobasyn Májiliske qaıtardy.
Esterińizge sala keteıik, Májilis maquldaǵan zań jobasy quqyq qorǵaý fýnktsııalaryn júzege asyratyn memlekettik organdarda qyzmet atqarýǵa biryńǵaı kózqarasty belgileýge baǵyttalyp otyr. Bul rette qujat boıynsha prokýratýra, ishki ister, qarjy polıtsııasy jáne keden organdary, qylmystyq-atqarý júıesi men memlekettik órtke qarsy qyzmettiń mindetteri men áleýmettik kepildikteri qamtylady. Atap aıtqanda, quqyq qorǵaý organdary qyzmetkerleriniń quqyqtyq mártebesin jáne olardyń qyzmetti atqarýyn birizdendirýdi qamtamasyz etý, kandıdattardyń mindetti túrde taǵylymdamadan ótýi arqyly quqyq qorǵaý organdaryna qyzmetke qabyldaýdyń konkýrstyq tártibin belgileý usynylady. Budan bólek, quqyq qorǵaý organdarynyń laýazymdaryna biryńǵaı biliktilik talaptaryn belgileý úshin negizder jasaý sharalary kózdeledi.
Jobany talqylaý barysynda senatorlar birqatar túzetýler jasady. Atap aıtqanda, zań jobasy boıynsha memlekettik jáne resmı tilderdegi mátinderdi sáıkestendirýdi kózdeıtin túzetýler jasaldy. Budan bólek, atys qarýyn, arnaýly quraldar men dene kúshin qoldanýdyń sharttaryn kózdeıtin jańa bap usynylǵan.
