Senat QR Joǵarǵy Sotynyń 32 sýdıasyn saılady
«Saılaýǵa usynylyp otyrǵan kandıdattardyń barlyǵy sýdıalar qyzmetin atqaryp keledi, biliktilikteri joǵary, jumys tájirıbeleri de úlken. Máselen, kandıdattardyń bireýi oblystyq sot tóraǵasy bolsa, 11-i - oblystyq jáne oǵan teńestirilgen alqalar tóraǵalary, 18-i - oblystyq sot sýdıalary, 2-ýi - aýdandyq býyndaǵy sot tóraǵalary», - dedi QR Prezıdenti Ákimshiligi Basshysy Tóraǵasynyń orynbasary - QR Joǵarǵy Sot Keńesi Tóraǵasynyń mindetin ýaqytsha atqarýshy Talǵat Donaqov.
Aıta keterligi, sýdıa laýazymyna kandıdattardyń ómirbaıandary men olardyń kásibı daıyndyǵyna, qyzmettik deńgeılerine qatysty máseleler komıtetterde talqylanǵan. Al usynylyp otyrǵan kandıdattardyń barlyǵy - QR Joǵarǵy Sotynyń jalpy otyrysynda eń joǵary daýysqa ıe bolǵandar. Saılanǵan 32 kandıdattyń - 17-si er azamat (53 paıyz) jáne 15-i áıelderden (47 paıyz) turady. Kandıdattardyń ortasha jasy - 48 jas, sot salasyndaǵy ortasha jumys ótilderi 18 jyldy quraıdy. Sýdıa qyzmetine árbir kandıdat jiti tekserilip, árbireýine jeke ister hattalǵan. QR Joǵarǵy Sotynyń alqasymen de tikeleı qosymsha tekserýler júzege asqan.
Saılanǵan sýdıalar Senat aldynda óz mindettemelerin adal jáne abyroıly atqarýǵa, sot tóreligin Qazaqstan Respýblıkasynyń Konstıtýtsııasy men zańdaryna ǵana baǵyna otyryp júzege asyrýǵa, sýdıa retindegi boryshta mindettegenindeı beıtarap jáne ádil bolýǵa saltanatty túrde ant berdi.
Osylaısha, QR Joǵarǵy Sotynyń sýdıalary bolyp saılandy: 1. Ábnasyrov Serik Qazbekuly 2. Álmaǵambetova Gúljan Jaqsylyqqyzy 3. Áripov Erden Raýanuly 4. Balken Madııar Temiruly 5. Baratbekov Talǵat Qojanuly 6. Borovık Marına Gennadevna 7. Dáýlıev Erjan Kókenuly 8. Joldasbekov Nurjan Ótepbaıuly 9. Dúısenbaev Qaharman Bazarbekuly 10. Ermaǵambetova Janna Bolatqyzy 11. Eskendirova Asan Qaırullaqyzy 12. Jaqýdına Roza Qaırýllaqyzy 13. Jarmuqambetova Sara Ázimbekqyzy 14. Ibraev Ómirtaı Jańbyrbaıuly 15. Ibrashev Talǵat Áýlıehanuly 16. Imanııazova Sholpan Sarbasqyzy 17. Qashqynbaeva Jańyldyq Makarqyzy 18. Tekebasova Zaýre Balǵazyqyzy 19. Qýanyshbaeva Razııa Askarqyzy 20. Maksıýtova Elena Tagırovna 21. Moldahmetova Tynyshtyq Ámirqyzy 22. Musabekova Ǵazıza Shámshıdınqyzy 23. Myrzake Ǵalymjan Jarylqasynuly 24. Nurbekov Aıdyn Maratuly 25. Nuryshev Qambar Jumabaıuly 26. Rahymbekov Erbol Muqajanuly 27. Savınova Álfııa Saǵdulllaqyzy 28. Smaılov Asqar Spartakuly 29. Sultanov Nurlan Qydyrjanuly 30. Toqtarova Baıan Jumabekqyzy 31. Shepeleva Larısa Arkadevna 32. Shıpp Denıs Alekseevıch
