Senat qos palata arasyndaǵy kelisim komıssııasynyń quramyna óz depýtattaryn saılady

Qazaqstan Respýblıkasy Úkimetiniń tekseriletin sýbektilerge qoıylatyn talaptardy belgileıtin normatıvtik quqyqtyq aktilerdi qabyldaý quzyretterin qaıta qaraý máseleleri boıynsha ózgerister men tolyqtyrýlar engizý týraly» zań jobasy boıynsha qos palata arasyndaǵy kelispeýshilikterdi eńserý máselesin qarap, ol boıynsha kelisim komıssııasyn qurý týraly sheshim shyǵardy. Komıssııa quramyna Senat tarapynan depýtat Serik Aqylbaı, Qaısar Omarov, Sergeı Plotnıkovtar saılandy.

Esterińizge sala keteıik, atalǵan zań jobasy Memleket basshysynyń Úkimet pen basqa da memlekettik organdardyń quzyretterin aıqyndaý jónindegi ókilettikterin shekteýdi joıý maqsatynda ázirlengen. Sonymen birge, qujat qoldanystaǵy zańnamalardy «Qazaqstan Respýblıkasynyń keıbir zańnamalyq aktilerine jeke kásipkerlik máseleleri boıynsha ózgerister men tolyqtyrýlar engizý týraly» 2009 jylǵy 17 shildedegi Qazaqstan Respýblıkasynyń Zańymen engizilgen túzetýlerge sáıkes keltirýdi qarastyrady. Atap aıtqanda, «Jeke kásipkerlik týraly» zańǵa sáıkes memlekettik organdarǵa keıbir normatıvtik quqyqtyq aktilerdi qospaǵanda, jeke kásipkerlik sýbektilerine tekserý júrgizý tártibi máseleleri boıynsha zańǵa táýeldi normatıvtik quqyqtyq aktiler qabyldaýǵa tyıym salynady. Qazirgi ýaqytta «Jeke kásipkerlik týraly» Zańnyń joǵaryda atalǵan talaptaryna qaramastan, keıbir zańdarda kórsetilgen aktilerdi bekitý boıynsha ýákiletti organdardyń quzyretteri bar. Budan basqa «Jeke kásipkerlik týraly» Zańnyń 37-1-babynyń jańa redaktsııasy jeke kásipkerlik sýbektilerine qoıylatyn talaptardy belgileıtin aktilerdiń (zańdar, Úkimet qaýlylary) tizbesin shekteıdi. Sonymen qatar atalǵan zań jobasymen Memleket basshysynyń Úkimet pen basqa da memlekettik organdardyń quzyretterin aıqyndaý jónindegi ókilettikterin shekteýdi joıatyn túzetýler engiziledi.

Endi depýtattar arasyndaǵy kelispeýshilikter kelisim komıssııasynyń qaraýyna shyǵarylady.