Senat Konstıtýtsııanyń 78-babyn iske asyrýdy qarastyratyn qujatty Májiliske jiberdi
ASTANA. 7 maýsym. QazAqparat - Búgin QR Parlamenti Cenatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Konstıtýtsııasynyń 78-babyn iske asyrý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda talqylady. Qujatqa birqatar túzetýler engizilip, zań jobasy Májiliske qaıtaryldy.
Atalǵan jobaǵa Májilis depýtattary bastamashylyq jasaǵan bolatyn. Sondaı-aq, qujat QR Konstıtýtsııasynyń 78-babyn qoldanýǵa baılanysty qoldanystaǵy keıbir zańnamalyq aktilerdegi olqylyqtardy joıý maqsatynda ázirlengen.
Atap aıtqanda, Ata zańnyń 13-babynda belgilengen árkimniń sotta qorǵalý quqyǵy adamnyń jáne azamattyń konstıtýtsııalyq quqyqtaryn, bostandyqtary men zańdy múddelerin qamtamasyz etýdiń kepildigi bolyp tabylady. Al, mundaı konstıtýtsııalyq quqyq, sondaı-aq sottardyń QR Konstıtýtsııalyq Keńesine júginý múmkindigi jolymen iske asyrylýy múmkin. Qazaqstan Respýblıkasynyń Konstıtýtsııasynyń 78-baby naqty qylmystyq jáne azamattyq isterdi, sondaı-aq ákimshilik quqyq buzýshylyq týraly isterdi qaraý kezinde Konstıtýtsııalyq Keńeske júginýiniń quqyqtyq sharttaryn jasaıdy.
Sonymen birge depýtattar konstıtýtsııanyń atalǵan babynyń erejelerin iske asyrý is júrgizý zańnamasynda oryn alǵan olqylyqtarmen qıyndatylǵanyn, onda Qazaqstan Respýblıkasy Konstıtýtsııalyq Keńesiniń normatıvtik-quqyqtyq aktini nemese onyń bólikterin konstıtýtsııalyq emes dep tabýdyń quqyqtyq saldary rettelmegenin alǵa tartady. Osyǵan oraı, zań jobasyn qabyldaý sottyń Konstıtýtsııalyq Keńeske júginýine baılanysty sot isin júrgizýde týyndaıtyn birqatar quqyqtyq qatynastardy retteýge múmkindik beretini kózdelgen bolatyn.
Al Senattaǵy talqylaýlar barysynda zań jobasyna birqatar ózgerister engizildi. Atap aıtqanda, senatorlar quqyq qoldanýshy organdar bolyp tabylatyn memlekettik organdar men laýazymdy tulǵalardyń tizbesin naqtylady.
«Sottar sot tóreligin iske asyrýda táýelsiz bolǵandyqtan jáne tek Konstıtýtsııa men zńǵa baǵynatyndyqtan, zań nemese ózge de normatıvtik quqyqtyq akt Konstıtýtsııalyq keńestiń normatıvtik qaýlysymen sáıkestendirilgenge deıin, sottardyń zańdy nemese ózge de normatıvtik quqyqtyq aktini Konstıtýtsııalyq Keńestiń sheshimin eskere otyryp qoldanýyna múmkindik beretin norma alynyp tastaldy», - deıdi senator Lıýdmıla Poltorabatko.
Taǵy birqatar túzetýler engizilgendikten zań jobasy Májiliske qaıtaryldy.
