Senat Konstıtýtsııaǵa ózgerister engizý boıynsha referendým taǵaıyndaý týraly máseleni talqylaıtyn bolady
ASTANA. 5 qańtar. QazAqparat /Qanat Mámetqazyuly/ - Erteń, 6 qańtar kúni QR Parlamenti Senatynyń jańa 2011 jylǵy alǵashqy jalpy otyrysy ótedi. Bul týraly QazAqparat Parlament Senatynyń baspasóz qyzmetine silteme jasap habarlaıdy.
Kún tártibine sáıkes, palata depýtattary «Qazaqstan Respýblıkasynyń Konstıtýtsııasyna ózgeris engizý máselesi boıynsha QR Prezıdentiniń respýblıkalyq referendým taǵaıyndaý týraly» depýtattarynyń usynysyn talqylaıdy. Budan bólek, Senat Májilis maquldaǵan birqatar zań jobalaryn da talqyǵa salady. Atap aıtqanda, «2009 jylǵy 11 jeltoqsandaǵy Keden odaǵynyń sanıtarııalyq sharalar jónindegi kelisimine ózgerister engizý týraly hattamany ratıfıkatsııalaý týraly», sonpaı-aq «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Salyqtyq ákimshilendirýdi reformalaý jónindegi joba) ratıfıkatsııalaý týraly» zań jobalary palatanyń qaraýyna shyǵarylady.
