Senat komıtetiniń keńeıtilgen otyrysynda Qazaqstan Respýblıkasy Tuńǵysh Prezıdentiniń - Elbasynyń qyzmetin qamtamasyz etý salasynda zańnamany jetildirý týraly Konstıtýtsııalyq zańynyń jobasy talqylandy

Zań jobasy elimizdiń alǵashqy Prezıdentiniń qyzmetin qamtamasyz etý salasyndaǵy zańnamany jetildirýge baǵyttalǵan. Jobamen Memleket basshysynyń saıası-quqyqtyq mártebesin aıqyndaý maqsatynda «Qazaqstan Respýblıkasyndaǵy saılaý týraly», «Qazaqstan Respýblıkasynyń Prezıdenti týraly», «Qazaqstan Respýblıkasynyń Tuńǵysh Prezıdenti týraly» zańdaryna Qazaqstan Respýblıkasynyń birinshi Prezıdentiniń konstıtýtsııalyq mártebesin onyń Ult kóshbasshysy mártebesimen sáıkestendirýge baǵyttalǵan ózgerister engizilip otyr.

Komıtettiń keńeıtilgen otyrysynda «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Tuńǵysh Prezıdentiniń - Elbasynyń qyzmetin qamtamasyz etý salasynda zańnamany jetildirý máseleleri boıynsha ózgerister men tolyqtyrýlar engizý týraly» zańynyń jobasy da qaraldy.

Bul zań jobasy «Qazaqstan Respýblıkasynyń keıbir konstıtýtsııalyq zańdaryna Qazaqstan Respýblıkasy Tuńǵysh Prezıdentiniń - Elbasynyń qyzmetin qamtamasyz etý salasynda zańnamany jetildirý máseleleri boıynsha ózgerister men tolyqtyrýlar engizý týraly» Konstıtýtsııalyq zańyn iske asyrý maqsatynda ázirlengen bolatyn.

Zań jobasymen Elbasyn kópshilik aldynda qorlaý jáne onyń abyroıy men qadir-qasıetine qol suǵý, sýretin búldirý, zańdy qyzmetine kedergi jasaýǵa qatysty qylmystyq jaýapkershilik belgilengen.

Eki zań jobasy da palatanyń qaraýyna usynylatyn boldy.