Senat komıtetinde jer qoınaýyn paıdalaný máseleleri týraly zań jobasy qaraldy
ASTANA. QazAqparat - Qazaqstan Respýblıkasy Parlamenti Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine jer qoınaýyn paıdalaný máseleleri boıynsha ózgerister men tolyqtyrýlar engizý týraly» zań jobasy qaraldy.
Zań jobasyn qabyldaý memlekettik organdardyń sheshimder qabyldaýynyń ashyqtyǵyn qamtamasyz etýge, bızneske quqyqqa syıymsyz aralasýshylyq múmkindigin boldyrmaýǵa, jer qoınaýy salasynda barlyq deńgeıdegi ákimshilik kedergilerdi alyp tastaýǵa yqpal etetin bolady. Engiziletin ózgerister tikeleı sheteldik ınvestıtsııalardyń kelýine jáne geologııalyq-barlaý salasynda kásipkerlikti damytýǵa ári jańa jumys oryndaryn qurýǵa múmkindik beredi dep kútilýde.
Zań jobasy birqatar zańnamalyq aktilerge ózgerister men tolyqtyrýlar engizýdi kózdeıdi. Zań jobasy Palatanyń qaraýyna jiberildi.
