Senat komıtetinde zeınetaqymen qamsyzdandyrýǵa arnalǵan zań jobasy talqylandy
ASTANA. 13 mamyr. QazAqparat - Búgin Parlament Senatynyń Áleýmettik-mádenı damý komıtetiniń keńeıtilgen otyrysy bolyp ótti.
Onda senatorlar «Qazaqstan Respýblıkasynda zeınetaqymen qamsyzdandyrý týraly» zań jobasyn talqylady.
Eske sala keteıik, atalǵan zań jobasy negizinen Qazaqstandaǵy zeınetaqy júıesin jańǵyrtýdy kózdeıdi. Bul rette qujat boıynsha Biryńǵaı jınaqtaýshy zeınetaqy qoryn qurý qarastyrylady. Biryńǵaı jınaqtaýshy zeınetaqy qorynyń quryltaıshysy men aktsıoneri el Úkimeti bolsa, onyń zeınetaqy aktıvterin basqarýdy QR Ulttyq banki júzege asyrady. Budan bólek, zań jobasynyń sheńberinde aýyr jáne qaýipti óndiris jaǵdaıynda jumys isteıtin adamdar úshin mindetti sanatqa eńbekaqy tóleý qorynan 5 paıyz mólsherinde erikti kásiptik zeınetaqy jarnalaryn aýdarý qarastyrylady. Bul rette jumys berýshige júkteme kóbeımeıdi. Zań jobasyndaǵy basty jańalyqtardyń biri - áıelderdiń zeınetkerlik jasyn birizdendirý máselesi. Bul rette zań jobasynda qamtylǵandaı 2014 jyldyń 1 qańtarynan bastap zeınetkerlik jasty jyl saıyn 6 aıǵa ulǵaıta otyryp, birtindep 10 jyldyń ishinde júzege asyrý kózdeledi.
Zań jobasy 16 mamyrda ótetin palatanyń jalpy otyrysyna shyǵarylmaq.
