Senat komıtetinde zańnamalyq aktilerge memlekettik basqarý júıesin odan ári jetildirýge qatysty zań jobacy qaraldy
ASTANA. QazAqparat - Búgin Qazaqstan Respýblıkasy Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine memlekettik basqarý júıesin odan ári jetildirý máseleleri boıynsha ózgerister men tolyqtyrýlar engizý týraly» zań jobacy birinshi oqylymynda qaraldy.
Zań jobasymen birqatar zańnamalyq aktilerge taratylǵan Ekonomıkalyq qylmysqa jáne sybaılas jemqorlyqqa qarsy kúres agenttiginiń sybaılas jemqorlyq qylmystar men quqyq buzýshylyqtardyń aldyn alý, anyqtaý, jolyn kesý, ashý jáne tergeý jónindegi fýnktsııalary men ókilettikterin jańadan qurylǵan Memlekettik qyzmet isteri jáne sybaılas jemqorlyqqa qarsy is-qımyl agenttigine, al ekonomıkalyq jáne qarjylyq qylmystar men quqyq buzýshylyqtardy - Qarjy mınıstrligine berýdi kózdeıtin túzetýler engizý kózdelip otyr.
Tujyrymdamalyq turǵyda maquldanǵan zań jobasy Palatanyń qaraýyna jiberildi.
