Senat komıtetinde zań jobasy talqylandy
ASTANA. Maýsymnyń 14-i. QazAqparat. Búgin Senattyń Ekonomıkalyq jáne óńirlik saıasat komıtetinde «Qazaqstan Respýblıkasy áýe keńistigin paıdalaný jáne avıatsııa qyzmeti týraly» zań jobasy talqylandy,
dep habarlaıdy Senattyń baspasóz qyzmeti.
Qujat avıatsııa qyzmetin jetildirý máselelerimen, azamattyq avıatsııa salasyndaǵy otandyq zańnamany halyqaralyq quqyqpen sáıkestendirýmen baılanysty qatynastardy retteýge baǵyttalǵan.
Keńeıtilgen otyrysta sonymen qatar, qoldanystaǵy quqyqtyq bazaǵa avıatsııa máseleleri boıynsha ózgerister engizetin zań jobasy da talqylandy. Qujat aıasynda Ákimshilik quqyq buzýshylyq kodeksine, «Qazaqstan Respýblıkasyndaǵy kólik týraly» Zańǵa túzetýler engizilmek.
Depýtattar sondaı-aq «Qazaqstan Respýblıkasynyń keıbir zańnamalyq aktilerine «elektrondyq úkimetin» damytý máseleleri boıynsha ózgerister men tolyqtyrýlar engizý týraly» zań jobasyn talqylady.
Barlyq zań jobalary palatanyń qaraýyna jiberiletin boldy.
