Senat Komıtetinde Zań jobasy qaraldy
ASTANA. 24 qyrkúıek. QazAqparat - Búgin Qazaqstan Respýblıkasy Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Táýelsiz Memleketter Dostastyǵyna qatysýshy memleketterdiń adamdardy memleketaralyq izdestirý týraly shartyn ratıfıkatsııalaý týraly» Zań jobasy qaraldy. Bul týraly QR Parlamenti Senatynyń baspasóz qyzmetinen habarlady.
Adamdardy memleketaralyq izdestirýde Táýelsiz Memleketter Dostastyǵyna qatysýshy memleketterdiń yntymaqtastyǵy úshin quqyqtyq negiz qurý Sharttyń maqsaty bolyp tabylady.
Zań jobasyn qabyldaý qylmyspen kúrestiń tıimdiligin arttyrýǵa, yntymaqtastyqtyń tetigin qurýǵa jáne adamdardy memleketaralyq izdestirý boıynsha aqparatpen jedel almasýdy qamtamasyz etýge múmkindik beredi.
Zań jobasy Palatanyń qaraýyna jiberildi.
