Senat komıtetinde úsh zań jobasy talqylandy

dep habarlady Senattyń baspasóz qyzmetinen.

Zań jobasy osy saladaǵy ulttyq quqyqtardy ekonomıkanyń qazirgi talaptary men Qazaqstan Respýblıkasynyń qoldanystaǵy zańdaryna sáıkestendirýge baǵyttalǵan.

Zań jobasy tutynýshy men ónim óndirýshiniń ózara qarym-qatynastary úderisterinde paıda bolǵan qatynastardy retteýdiń tıimdi júıesin jasaýǵa, jeke jáne zańdy tulǵalardyń tutynýshylar quqyn qorǵaý salasyndaǵy áleýmettik, kommertsııalyq jáne basqa da osy qatynastardy retteýge, bul jumystarǵa úkimettik emes uıymdardy tartýǵa múmkindik beredi.

Komıtet otyrysynda «Qazaqstan Respýblıkasynyń keıbir zańnamalyq aktilerine qyzmeti úshinshi tulǵalarǵa zııan keltirý qaýpimen baılanysty obektiler ıeleriniń azamattyq-quqyqtyq jaýapkershiligin mindetti saqtandyrý máseleleri boıynsha ózgerister men tolyqtyrýlar engizý týraly» zań jobasy da talqylandy.

Zań jobasymen Ákimshilik quqyq buzýshylyq týraly kodekske, «Qaýipti óndiristik obektilerdegi ónerkásiptik qaýipsizdik týraly», «Qyzmeti úshinshi tulǵalarǵa zııan keltirý qaýpimen baılanysty obektiler ıeleriniń azamattyq-quqyqtyq jaýapkershiligin mindetti saqtandyrý týraly», «Qazaqstan Respýblıkasynyń keıbir zańnamalyq aktilerine bıýdjet protsesin jetildirý máseleleri boıynsha ózgerister men tolyqtyrýlar engizý týraly» zańdarǵa ózgerister engiziletin bolady.

Zań jobasyn Senatta talqylaý barysynda Májilis maquldaǵan jobaǵa tıisti ózgerister men tolyqtyrýlar engiziletin boldy.

Komıtet otyrysynda sondaı-aq «Qazaqstan Respýblıkasynyń Ykimeti men Frantsýz Respýblıkasynyń Ykimeti arasyndaǵy Qarjylandyrý týraly hattamanyń (Almaty qalasynyń sýmen qamtamasyz etý jáne káriz ınfraqurylymyn ońaltý men jańǵyrtý jobasy) kúshin joıý týraly» zań jobasy da qaraldy.

Qaralǵan barlyq zań jobalary palatanyń qaraýyna jiberiletin boldy.