Senat komıtetinde Ult josparyn iske asyrýǵa baǵyttalǵan zań jobalary qaraldy
ASTANA. QazAqparat - Parlament Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» Konstıtýtsııalyq zań jobasy qaraldy.
Joba Qazaqstan Respýblıkasynyń Prezıdenti N.Á.Nazarbaevtyń
Jańǵyrtý jónindegi ulttyq komıssııanyń «Ult josparyn - bes ınstıtýtsıonaldyq reformany júzege asyrý jónindegi 100 naqty qadamdy iske asyrý týraly» esebin tyńdaý kezinde aıtylǵan tapsyrmalaryn oryndaý maqsatynda ázirlengen bolatyn.
2016 jylǵy 1 qańtardan bastap sýdıanyń kásibı qyzmetin baǵalaý týraly normanyń qoldanysqa engizilgen bolatyn. Osyǵan oraı sýdıanyń kásibı qyzmetin kezeń-kezeńmen baǵalaýdyń teris nátıjeleri alynǵan jaǵdaıda onyń qyzmetin qaıta baǵalaýdy júrgizbesten laýazymynan bosatýdy qarastyrý qajettigi týyndady.
Sondaı-aq, jobamen Sot tóralqasy sýdıany basqa sotqa nemese basqa mamandanýǵa aýystyrý týraly sheshim qabyldaǵan jaǵdaıda, sýdıalardy konkýrs ótkizbesten basqa sotqa aýystyrý tártibi reglamentteledi.
Sonymen qatar, Qazaqstan Respýblıkasy Prezıdentiniń tapsyrmasyna sáıkes jobada jappaı deklaratsııa tapsyrýdy engizý merzimderin bir kezeńge 2020 jylǵy 1 qańtarǵa aýystyrý kózdeledi.
Osyǵan baılanysty «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna saılanatyn laýazymǵa úmitkerlerdiń aktıvteri men mindettemeleri týraly deklaratsııany tabys etý merzimin 2017 jylǵy 1 qańtardan 2020 jylǵy 1 qańtarǵa aýystyrý bóliginde ózgerister engizý usynylady.
Sonymen birge Parlament Májilisinde joba erejeleri ǵylymı, oqytýshylyq jáne shyǵarmashylyq qyzmetpen aınalysatyn otstavkadaǵy sýdıalarǵa aı saıynǵy ómir boıy qamtylymdy tóleýge qatysty túzetýlermen tolyqtyryldy.
Otyrysta «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Joǵary Sot Keńesiniń jáne «Astana» halyqaralyq qarjy ortalyǵynyń qyzmeti máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy.
Qujat Qazaqstan Respýblıkasynyń Prezıdenti N.Á. Nazarbaev «Bes ınstıtýtsıonaldyq reformany iske asyrý jónindegi 100 naqty qadam - Ult josparyn» iske asyrý aıasynda jarııalaǵan sýdıanyń kásibı qyzmetin kezeń-kezeńmen baǵalaý qorytyndylary boıynsha qabyldanatyn sharalardy jetildirýdiń qajettigi bóligindegi tapsyrmasyn oryndaý úshin ázirlendi.
Zań jobasymen «Qazaqstan Respýblıkasynyń Joǵary Sot Keńesi týraly» Qazaqstan Respýblıkasy Zańyna ózgerister men tolyqtyrýlar engizý kózdelgen. Degenmen Parlament Májilisinde qaraý barysynda onyń erejeleri Qazaqstan Respýblıkasynyń Bıýdjet kodeksine jáne «Qazaqstan Respýblıkasynyń Ulttyq Banki týraly» Zańyna «Astana» halyqaralyq qarjy ortalyǵynyń qyzmetine qatysty túzetýlermen tolyqtyryldy.
Zań jobalary Palatanyń qaraýyna jiberildi.
