Senat komıtetinde ýákiletti memlekettik organdar men QR Úkimetiniń tekseriletin sýbektilerge qatysty quzyretter týraly zań jobasy talqylandy
ASTANA. 29 naýryz. QazAqparat - Búgin Senattyń Ekonomıkalyq jáne óńirlik saıasat komıtetinde
«Qazaqstan Respýblıkasynyń keıbir zańnamalyq aktilerine ýákiletti memlekettik organdar men Qazaqstan Respýblıkasy Úkimetiniń tekseriletin sýbektilerge qoıylatyn talaptardy belgileıtin normatıvtik quqyqtyq aktilerdi qabyldaý quzyretterin qaıta qaraý máseleleri boıynsha ózgerister men tolyqtyrýlar engizý týraly» zań jobasy talqylandy.
Zań jobasymen qoldanystaǵy zańnamalyq aktiler «Qazaqstan Respýblıkasynyń keıbir zańnamalyq aktilerine jeke kásipkerlik máseleleri boıynsha ózgerister men tolyqtyrýlar engizý týraly» zańǵa sáıkestendiriletin boldy.
Atap aıtqanda, tekseriletin sýbektilerge talap qoıatyn normatıvtik quqyqtyq aktiler ıerarhııasyn kóterýge, sondaı-aq kásipkerlikti qarjylaı qoldaıtyn memlekettik quraldardy molaıtýǵa qatysty.
Jobamen Ákimshilik quqyq buzýshylyq týraly, Eńbek, «Halyq densaýlyǵy jáne densaýlyq saqtaý júıesi týraly» kodeksterge, sondaı-aq «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» jáne «Saýda qyzmetin retteý týraly» zańdarǵa ózgerister men tolyqtyrýlar engiziletin boldy.
Zań jobasy palata qaraýyna jiberildi.
