Senat komıtetinde teńizshilerdiń jeke kýálikteri týraly konventsııany ratıfıkatsııalaý týraly zań jobasy talqylandy
ASTANA. Aqpannyń 19-y. QazAqparat. Búgin Senattyń Ekonomıkalyq jáne óńirlik saıasat komıtetinde «Teńizshilerdiń jeke kýálikteri týraly 1958 j. konventsııany (№ 185 konventsııa) qaıta qaraıtyn Konventsııany ratıfıkatsııalaý týraly» zań jobasy talqylandy,
dep habarlaıdy Senattyń baspasóz qyzmeti.
Zań jobasy Qazaqstan Respýblıkasynyń 2015 jylǵa deıingi Kólik strategııasyn júzege asyrý maqsatynda ázirlengen bolatyn.
№185 Konventsııa 2003 jylǵy 19 maýsymda Jenevada qabyldanyp, 61 memleket ratıfıkatsııalaǵan, álemdegi flottardyń 60,7 paıyzy úlesine tıetin №108 (1958 jylǵy) teńizshilerdiń ulttyq jeke kýálikteri týraly Konventsııanyń ornyna 2005 jylǵy 9 aqpanda kúshine endi.
Teńizshilerdiń jeke kýálikteri onsyz sheteldik aýmaqtarda júzetin teńiz kemelerindegi ekıpajdar músheleri úshin jumys isteý múmkin bolmaıtyn mindetti qujat bolyp tabylady.
Zań jobasyn qabyldaý teńizshilerdiń jeke kýáligin berýge jáne qoldanýǵa qatysty ulttyq zańnamany halyqaralyq talaptarǵa sáıkes keltirýge múmkindik beredi.
Zań jobasy palatanyń qaraýyna jiberiletin boldy.
