Senat komıtetinde «Teleradıo habarlaryn taratý týraly» zań jobasy qaraldy

Zań jobasynyń negizgi maqsaty teleradıo habarlaryn taratý qyzmetin júzege asyrý kezinde týyndaıtyn qatynastardy retteıtin normalardy zańnamalyq bekitý, teleradıo habarlaryn taratý sýbektileriniń quqyqtary men mindetterin aıqyndaý bolyp tabylady. Bul rette qujatpen respýblıka halqyn efırlik sandyq teleradıo habarlaryn taratýmen tolyq qamtý, teleradıo habarlaryn taratý salasynda biryńǵaı normatıvtik quqyqtyq bazany, efırlik sandyq, kabeldik, jerseriktik jáne teleradıo habarlaryn taratýdyń basqa da túrleriniń biryńǵaı standarttary men parametrlerin qalyptastyrý, otandyq televızııa jáne radıoarnalardyń básekege qabilettiligin kúsheıtý kózdeledi.

Sondaı-aq, zań jobasynyń jekelegen normalary «Tabıǵı monopolııalar jáne retteletin naryqtar týraly», «Tabıǵı jáne tehnogendik sıpattaǵy tótenshe jaǵdaılar týraly», «Qazaqstan Respýblıkasyndaǵy tilder týraly», «Buqaralyq aqparat quraldary týraly» zańdarǵa sáıkes keltirildi. Komıtettiń keńeıtilgen otyrysynda sondaı-aq «Qazaqstan Respýblıkasynyń keıbir zańnamalyq aktilerine teleradıo habarlaryn taratý máseleleri boıynsha ózgerister men tolyqtyrýlar engizý týraly» zań jobasy da talqylandy.Zań jobasy elimizdiń keıbir zańnamalyq aktilerin «Teleradıo habarlaryn taratý týraly» zańynyń jobasyna sáıkes keltirý maqsatynda ázirlengen bolatyn.Atap aıtqanda, Ákimshilik quqyq buzýshylyq týraly jáne Salyq kodeksterine, elimizdiń «Avtorlyq quqyq jáne sabaqtas quqyqtar týraly», «Qazaqstan Respýblıkasyndaǵy tilder týraly», «Buqaralyq aqparat quraldary týraly», «Lıtsenzııalaý týraly» jáne basqa da zańdarǵa ózgerister men tolyqtyrýlar engiziletin boldy.

Eki zań jobasy da palata qaraýyna jiberildi.