Senat komıtetinde tabıǵı monopolııalar jáne retteletin naryqtar týraly zań jobasy talqyǵa salyndy

dep habarlady Senattyń baspasóz qyzmetinen.

Zań jobasy tabıǵı monopolııalar sýbektileri men retteletin naryqtarǵa qatysty tarıf (baǵa) saıasatyn jetildirý maqsatyn kózdeıdi.

Zań jobasy energııa jınaqtaýdy jáne tutynýshylardyń energoresýrstardy tıimdi paıdalanýyn yntalandyrýǵa, jelilerdi jańǵyrýǵa jáne jańartýǵa qosymsha ınvestıtsııa tartýǵa jáne aımaqtyq elektr jelileri kompanııalary qarjysyn bosatýǵa, sondaı-aq taýar naryqtarynda básekelestikti damytýǵa múmkindik beredi.

Komıtettiń keńeıtilgen otyrysynda «Qazaqstan Respýblıkasynyń keıbir zańnamalyq aktilerine qyzmeti úshinshi tulǵalarǵa zııan keltirý qaýpimen baılanysty obektiler ıeleriniń azamattyq-quqyqtyq jaýapkershiligin mindetti saqtandyrý máseleleri boıynsha ózgerister men tolyqtyrýlar engizý týraly» zań jobasy da talqylandy.

Zań jobasy arqyly engiziletin ózgerister qaýipti ónerkásiptik nysandar áseri nátıjesinde zardap shegýshilerdiń yqtımal sanyna baılanysty saqtandyrý somasyn ulǵaıtýǵa, ony belgileýge, mindetti saqtandyrý shartyn bekitýge jáne onyń is-qımyly men is-qımylyn toqtatý jaǵdaılaryn naqtylaýǵa, sondaı-aq saqtandyrýshynyń, saqtanýshynyń jáne úshinshi tulǵanyń quqyqtary men mindetterin naqtylaýǵa arnalǵan.

Zań jobasymen Ákimshilik quqyq buzýshylyq týraly kodekske, «Qaýipti óndiristik obektilerdegi ónerkásiptik qaýipsizdik týraly», «Qazaqstan Respýblıkasynyń keıbir zańnamalyq aktilerine bıýdjet protsesin jetildirý máseleleri boıynsha ózgerister men tolyqtyrýlar engizý týraly» zańdarǵa ózgerister engiziletin bolady.

Eki zań jobasy da palata qaraýyna jiberiletin boldy.