Senat komıtetinde sýmen jabdyqtaý, turǵyn úı-kommýnaldyq sharýashylyqty kredıtteý jáne sýbsıdııalaý týraly zań jobasy qaraldy
Zań jobasynyń erejeleri eldi mekenderdegi sýmen jabdyqtaý men sý burýdyń damýyn quqyqtyq retteýdi jetildirýge baǵyttalǵan.
Bul rette zań jobasymen:
memlekettik basqarý organdarynyń sýmen jabdyqtaý salasyndaǵy ókilettikterin naqtylaıtyn normalar engizildi, sý tutynýshylardyń jáne sýmen jabdyqtaý jáne sý burý jónindegi uıymdardyń quqyqtary men mindetteri retteldi;
sýmen jabdyqtaý, sý burý jáne jylýmen jabdyqtaý júıelerin jańǵyrtý men salýdy uzaq merzimdi jáne jeńildikti bıýdjettik kredıtteý, sondaı-aq turǵyn úı-kommýnaldyq sharýashylyqtyń damýyn ekonomıkalyq yntalandyrý retinde sýbsıdııalaýdy júzege asyrý túrindegi memlekettik qoldaý máseleleri retteldi;
sýmen jabdyqtaý, sý burý jáne jylýmen jabdyqtaý júıelerin salý men jańǵyrtýdy kredıtteý jáne sýbsıdııalaý qaǵıdalaryn ázirleý men bekitý jónindegi erejeler engizildi;
sýmen jabdyqtaý, sý burý jáne jylýmen jabdyqtaý salasyndaǵy jańashyl normalarǵa sáıkes keltirý maqsatynda Sý, Jer, Bıýdjet kodeksterine jáne Ekologııalyq kodekske, «Elektr energetıkasy týraly», «Memlekettik múlik týraly», «Energııa únemdeý jáne energııa tıimdiligin arttyrý týraly», «Ruqsattar jáne habarlamalar týraly» zańdarǵa ózgerister men tolyqtyrýlar engizildi.
Zań jobasy Palatanyń qaraýyna jiberildi.