Senat komıtetinde «Patent quqyǵy týraly shartty ratıfıkatsııalaý týraly» zań jobasy talqylandy

Zań jobasy Prezıdenttiń 2009 jylǵy 24 tamyzdaǵy Jarlyǵymen bekitilgen Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasyna sáıkes ázirlendi.

Patent quqyǵy týraly shartty (budan ári - PLT sharty) 2000 jylǵy 1 maýsymda konsensýs arqyly 140-tan astam táýelsiz memleketterdiń qatysýymen Dúnıejúzilik zııatkerlik menshik uıymynyń (DZMU) aıasynda qurylǵan Dıplomatııalyq konferentsııa qabyldady jáne ol 2006 jylǵy 1 qańtardan bastap kúshine endi. Onyń erejeleri 1970 jylǵy 19 maýsymdaǵy Patenttik kooperatsııa týraly shartqa tyǵyz baılanysty, Qazaqstan oǵan 1993 jylǵy 5 aqpanda qosyldy.

PLT sharty qatysýshy memleketterdiń patenttik vedomstvolary júzege asyratyn patent berýdiń rásimdik normalaryn úılestirýge jáne ońaılatýǵa baǵyttalǵan. Sondaı-aq patent berýge arnalǵan ótinimderge, patent alý men onyń kúshin saqtaý rásimderine qoıylatyn ońaılatylǵan talaptardy kózdeıdi.

Zań jobasy palata qaraýyna jiberildi.