Senat komıtetinde munaı jáne munaı ónimderin jetkizý salasyna qatysty zań jobasy qaraldy
ASTANA. 10 maýsym. QazAqparat - Búgin Qazaqstan Respýblıkasy Parlamenti Senaty Ekonomıkalyq saıasat, ınnovatsııalyq damý jáne kásipkerlik komıtetinde «2010 jylǵy 9 jeltoqsandaǵy Qazaqstan Respýblıkasynyń úkimeti men Reseı Federatsııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgerister engizý týraly hattamany ratıfıkatsııalaý týraly» zań jobasy qaraldy, dep habarlady palatanyń baspasóz qyzmeti.
Hattamaǵa 2013 jylǵy 24 jeltoqsanda Máskeýde qol qoıylǵan bolatyn. Qujattyń negizgi maqsaty - Qazaqstan Respýblıkasynyń Reseı Federatsııasyna munaı jetkizý jónindegi mindettemelerin oryndaýdy aıaqtaý jáne Qazaqstannyń ishki naryǵyn reseılik óndiristiń joǵary oktandy benzınmen jáne avıakerosınmen tutynýǵa qajettti mólsherde úzdiksiz qamtamasyz etý bolyp tabylady. Odan basqa, Hattamanyń erejelerimen reseılik munaı ónimderiniń Qazaqstan aýmaǵynda qaıta eksporttalýynyń aldyn alý úshin qazaqstandyq eksporttyq kedendik alymdar deńgeıi reseılik ashyq tústi munaı ónimderine eksporttyq kedendik alymdar deńgeıimen teńestiriletin bolady.
Zań jobasy Palatanyń qaraýyna jiberildi.
