Senat komıtetinde memlekettik merekeler týraly zańǵa engizilgen ózgeris talqylandy
ASTANA. 2 qazan. QazAqparat - Búgin QR Parlamenti Senaty Áleýmettik-mádenı damý komıtetiniń keńeıtilgen otyrysy bolyp ótti. Onda depýtattar «Qazaqstan Respýblıkasyndaǵy merekeler týraly» QR Zańyna ózgerister men tolyqtyrýlar engizý týraly»
zań jobasyn talqylady.
Atalǵan zań jobasy Memleket basshysynyń, QR Qarýly Kúshteri Bas qolbasshysynyń 2012 jylǵy 3 mamyrdaǵy «Qazaqstan Qarýly kúshteriniń 20 jyldyǵy týraly» buıryǵy negizinde ázirlengen bolatyn. Zań jobasy boıynsha 7 mamyr - Otan qorǵaýshylar kúni memlekettik mereke sanatyna engiziletini kózdeledi.
Eske sala ketsek, 2012 jyly 7 mamyrda Qazaqstannyń Qarýly Kúshteriniń qurylǵanyna 20 jyl toldy. Osyǵan baılanysty memleket basshysy N. Nazarbaev 7 mamyr Otan qorǵaýshylar kúnin - Qazaqstan Respýblıkasynyń memlekettik merekesi etip belgileýdi usynǵan bolatyn. Zań jobasynyń qabyldanýy qosymsha qarjy shyǵyndaryna, sondaı-aq teris áleýemttik-ekonomıkalyq saldarǵa ákelip soqtyrmaıdy.
