Senat komıtetinde «Medıatsııa týraly» zań jobasy talqylandy

Qazaqstan Respýblıkasy Prezıdentiniń 2010 jylǵy 17 tamyzdaǵy «Qazaqstan Respýblıkasyndaǵy quqyq qorǵaý qyzmeti men sot júıesiniń tıimdiligin artyrý týraly» Jarlyǵyn júzege asyrýǵa baǵyttalǵan zań jobasynda janjaldy sheshýdiń balama tásili - bitimgershilik - medıatsııa ınstıtýtyn paıdalanýǵa engizýdi kózdeıdi.

Atap aıtqanda, medıatsııa mynandaı jaǵdaılarda:

-azamattyq-quqyqtyq qatynastarda, onyń ishinde kásipkerlik jáne basqa da ekonomıkalyq is-qımyl barysynda, sondaı-aq eńbek, otbasylyq jáne basqa da quqyqtyq qatynastarda paıda bolǵan daýlardy retteýdegi quqyqtar boıynsha;

-qylmystyq-quqyqtyq qatynastar salasynda - jeńil jáne ortasha qylmys týraly ister boıynsha qoldanylady.

Zań jobasynda budan basqa, medıatsııa uǵymy aıqyndalyp, ony júrgizý qaǵıdalary, medıatorlar men medıatsııany júrgizetin uıymdardyń quqyqtyq erejeleri, sondaı-aq medıatsııany júrgizý tártibi bekitilgen.

«Medıatsııa týraly» zań jobasyn júzege asyratyn, qoldanystaǵy zańdarǵa ózgerister engizetin qosymsha zań jobasy da ázirlengen bolatyn. Sóıtip, usynylyp otyrǵan zań jobasymen basqa zańdardy bir mezgilde sáıkestendirý úshin Qylmystyq, Qylmystyq-is júrgizý, Azamattyq, Azamattyq-is júrgizý, Ákimshilik tártip buzýshylyq týraly kodeksterge, sondaı-aq «Qazaqstan Respýblıkasyndaǵy jergilikti memlekettik basqarý jáne jergilikti ózin-ózi basqarý týraly» zańǵa ózgerister engiziletin boldy.

Zań jobalary palatanyń qaraýyna jiberildi.