Senat komıtetinde qylmystyq kiristerdi zańdastyrýǵa (jylystatýǵa) qarsy is-qımyly týraly zań jobasy talqylandy
ASTANA. 2 naýryz. QazAqparat - Búgin Senattyń Qarjy jáne bıýdjet komıtetinde «TMD-ǵa qatysýshy memleketterdiń qylmystyq kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyly týraly shartty ratıfıkatsııalaý týraly» zań jobasy talqylandy.
Dýshanbe qalasynda 2007 jylǵy qazanda jasalǵan qujatta zańnamalardy úılestirý, quqyqtyq kómek kórsetý, onyń ishinde qujattardy tabys etý, qylmystyq kirister men terrorızmdi qarjylandyrýǵa arnalǵan qarjyny tutqyndaý, tárkileý, aqparat almasýdy júzege asyrý, jedel-izdestirý sharalaryn júrgizý salalarynda negizgi baǵyttar men yntymaqtastyq túrlerin belgileý aıqyndalǵan.
Qujatta normatıvtik quqyqtyq baza qalyptastyrýdyń erejeleri qarastyrylǵan. Oǵan sáıkes Taraptar, atap aıtqanda, qylmystyq kirister men terrorızmdi qarjylandyrýǵa arnalǵan qarjyny izdestirýge, sondaı kirister jáne qarjymen jasalatyn operatsııalar men mámilelerdi boldyrmaýǵa, olardy jóneltý jáne basqadaı iske aralastyrýdyń jolyn kesýge quziretti organdarǵa múmkindik beretin normatıvtik quqyqtyq aktiler qabyldaı alatyn bolady.
Komıtettiń keńeıtilgen otyrysynda «Keden odaǵy biryńǵaı keden aýmaǵynyń jumys isteý rejıminen jekelegen ýaqytsha alýlar týraly hattamany ratıfıkatsııalaý týraly» zań jobasy da talqylandy.
Eki zań jobasy da palata qaraýyna jiberildi.
