Senat komıtetinde kvazımemlekettik sektorda qyzmet etetin sýbektilerdiń básekelestik ortadaǵy tıimdiligin arttyrý men tártipke keltirý máseleleri talqylandy

Kezdesýde áleýmettik-ekonomıkalyq damý mindetterin sheshýdegi kvazımemlekettik sektordyń mańyzdy róli atalyp ótildi. Memleket basshysy «Jańa álemdegi jańa Qazaqstan» Joldaýynda ulttyq kompanııalar quramyna kiretin memlekettik holdıngter qyzmetin korporatıvtik basqarýdyń, esep berý men aıqyndyqtyń halyqaralyq tájirıbesin engizý arqyly tártipke keltirý mindetin belgilegen bolatyn.

Salalyq komıtet tóraǵasy R.Ahmetov aıtqandaı, ekonomıkanyń naqty sektoryn memlekettik qoldaý baǵdarlamasynda ındýstrııalyq-ınnovatsııalyq kásipkerlikti qarjylandyrý qarastyrylyp otyr. Damý ınstıtýtynyń basty mindeti ekonomıkany ártaraptandyrý jónindegi ınvestıtsııalyq jobalardy qarjymen qamtamasyz etý bolyp tabylady.

Bul úshin qajetti ınnovatsııalyq ınfraqurylym jasalyp, quqyqtyq negiz qalyptastyryldy, ınvestıtsııa, salyq salý, ruqsat berý rásimderi máselelerin retteıtin zańnamalyq aktilerge ózgerister engizildi.

Sonymen birge depýtat damý ınstıtýttarynyń qyzmetine zańnamalyq talaptardy keńeıtý, qarajatty ulǵaıtýǵa jáne nesıeleýge bólinetin bıýdjet qarjylaryn úılestirý jáne paıdalanýdy baqylaý túrlerin jetildirý qajettigin atap ótti.

Ekonomıkalyq damý jáne saýda mınıstriniń orynbasary A.Eskendirov  kvazımemlekettik sektordy damytý salasyndaǵy memlekettik saıasatty júzege asyrý týraly habardar etip, depýtattardyń saýaldaryna jaýap berdi.